Haiti
Ti chèz ba

Dosye, dokiman

Ayiti-Kriz : 4 òganizasyon peyizan nasyonal mande chanje Leta a

Ekri jou mardi 17 juillet 2018

Pozisyon Platfom 4G Kontre sou konjonkti politik la
Dokiman sa a vin jwenn AlterPresse 16 jiyè 2018
1 - Platfòm 4G Kontre ki makònen Tèt Kole Ti Peyizan Ayisyen, MPNKP, KROS ak MPP konstate kriz jeneral kap boulvèse peyi a depi lontan tounen yon katastròf. Desizyon iresponsab gouvènman Moyiz-Lafontan an pran kont volonte tout sektè nan Lavi nasyonal la pou monte pri gaz la tèt nèg, sa montre gouvènman Moyiz-Lafontan an pa gen okenn kapasite pou gouvène peyi a. Pou evite katastròf sa kontinye, Jovenel Moyiz ak gouvènman l lan dwe rale kò yo san bri san kont sou pouvwa a.
2 – Depi gouvènman Jovenel la (...)

Sitiyasyon kriz Ayiti jounen jodi a se rezilta ireskonsabilite anpil moun k ap gouvènen, dapre Legliz katolik women

Ekri jou jeudi 12 juillet 2018

kominike Konferans episkopal evèk katolik women yo
«Sitiyasyon n ap viv jounen jodi a se rezilta ireskonsabilite anpil moun k ap gouvènen nou yo», dapre yon kominike Konferans episkopal evèk katolik women yo, ki soti lendi 9 jiyè 2018. Dokiman sa a disponib sou AlterPresse pou telechajman.

Ayiti : Sofa egzije reparasyon apre afwon Prezidan peyi a fè sou Fanm, TiFi ansanm ak tout peyi a nan dat ki te 18 jen sou Channmas!

Ekri jou vandredi 22 jen 2018

Kominike Solidarite Fanm Ayisyen – Sofa
AlterPresse resevwa dokiman sa a 21 jen 2018
Solidarite Fanm Ayisyen.-Sofa estomake devan eskandal ki pase channmas 18 jen an kote Prezidan Repiblik la ak madanm li t ap amize yo devan yon espektak lawont yon tifi ( fiyèt) k ap brase ren l yon fason devègonde pou l kab jwenn kado .
Apre Prezidan an, Madanm li ak lòt Zotobre ki te la, fin pran plezi yo nan espektak lawont sa a, li remèt tifi sila yon kle machin kòm kado pou “pèfòmans” li. Se komkwa Prezidan an ta konsidere jèn fi sa a tankou yon zetwal, yon modèl, yon egzanp lòt timoun ta dwe suiv.
Nou (...)

Dosye min : Yon kowalisyon òganizasyon denonse « politik ekstraktif » ki kont lavi moun an Ayiti

Ekri jou mercredi 6 juin 2018

Kominike Kolektif Jistis Min
Dokiman sa a vin jwenn AlterPresse 5 jen 2018
Kolektif Jistis Min kise yon kwalisyon òganizasyon ayisyèn k ap goumen kont eksplwatasyon min, espesyalman min metalik yo nan peyi a pwofite dat 5 jen an ki se Jounen Mondyal pou Anviwonman an pou salye batay tout lòt pèp sou latè ap mennen tankou : nan Amerik latin, nan Karayib ak nan Lafrik ap mennen kont gwo menas ki peze sou tèt planèt la akòz aksyon yon seri antrepriz miltinasyonal ap mennen ki ka gen kòm Konsekans disparisyon lavi sou planèt la. Nou wè kisa Pèp yo deja ap sibi anba rechofman klima a.
Jounen jodi a, (...)

Ayiti : Sofa ofiske devan eskandal seksyèl Oxfam nan

Ekri jou lendi 19 fevriye 2018

Kominike Solidarite Fanm Ayisyèn (SOFA)
Dokiman sa a vin jwenn AlterPresse 19 fevriye 2018
Solidarite Fanm Ayisyèn.- Sofa ofiske pou l aprann kouman ansyen direktè Oxfam peyi D Ayiti Roland Van Hauwermeiren, t ap pwofite sèvi ak kò fanm ayisyèn nan kad misyon li nan peyi a. Mesye Van Hauwermeiren ki te sipoze vin pote solidarite, konpati ak tribilasyon fanm, sitou sila yo ki anba gwo twomatis apre tranblemanntè12 janvye 2010 la; Direktè a te, prefere pwofite de pwoblèm fanm yo ak mizè yo pou antre nan echanj sèks pou lajan ak yo. Koze moun ki t ap pwofite pozisyon yo ak sitiyasyon tèt chaje (...)

0 | 5 | 10 | 15 | 20 | 25 | 30 | 35 | 40 | ... | 420