Haiti

Ayiti-Ensekirite : 2 polisye viktim anba bal pandan yon diskisyon sou Channmas (Pòtoprens)

Ekri jou mèkredi 23 janvye 2019

Pὸtoprens, 23 janvye 2019 [AlterPresse]--- Madi 22 janvye 2019 la, vè 2 zè dimaten, yon polisye mouri epi yon lòt blese, anba bal yon gwoup endividi sou pi gwo plas piblik nan kapital la, Channmas, dapre sa ajans sou entènèt AlterPresse aprann.
Komisè prensipal polis nasyonal Pòtoprens la, Joël Casséus, konfime, nan kèk medya nan kapital la, enfὸmasyon sa a.
Komisè polis lan presize gen youn nan ajan yo, ki te rann dènye souf li lapoula.
Lòt viktim nan ap resevwa laswenyay sou kabann yon lopital, nan kapital la.
Polisye, ki mouri a, rele Oldensky Julmiste. Li te soti nan 28 tyèm pwomosyon Lapolis (...)

Ayiti-Edikasyon : Gwo tansyon nan Tigwav pandan elèv lise Fosten Soulouk t ap manifeste

Ekri jou mèkredi 23 janvye 2019

Tigwav (Ayiti), 22 janvye 2019 [AlterPresse] --- Elèv lise Fosten Soulouk, nan vil Tigwav (nan yon distans 68 kilomèt nan sid kapital la) pran lari ankὸ, madi 22 janvye 2019 la, pou mande pwofesè yo vin fè kou, daprè enfὸmasyon youn nan majistra vil la, Limogy Samson Jean, bay AlterRadio.
Elèv sa yo pa gen pwofesè depi plis pase yon semenn.
Sitiyasyon an te konplike nan vil la, madi 22 janvye an, akoz manifestan yo t ap voye anpil wòch ak boutèy.
Lapolis nasyonal, ki pa t ka kontwole sitiyasyon an, te simen gaz lakimojèn.
Elèv lise yo t al chache elèv, ki nan lòt lekòl, pou kapab ranfòse mouvman (...)

Ayiti : Pme anonse l ap debloke 16,5 milyon dola pou bay edikasyon jarèt an Ayiti

Ekri jou lendi 21 janvye 2019

Pὸtὸprens, 21 janvye 2019 [AlterPresse] --- Patenarya mondyal pou edikasyon (Pme) ap debloke 16,5 milyon dola pou pou kapab bay sektè edikasyon an jarèt, dapre anons enstitisyon an fè.
Lajan a a ta dwe finanse yon plan edikasyon ak fòmasyon pou 10 an.
Sou inisyativ Pme, Ministè edikasyon nasyonal ak fomasyon pwofesyonèl (Menfp) te patisipe, soti lendi 14 rive mèkredi 16 janvye 2019 lan, nan syèj Bank mondyal, nan Washington, nan yon atelye teknik sou pèspektiv koperasyon ak patenarya nan edikasyon.
Minis edikayson nasyonal la, Pierre Josué Agenor Cadet, bat bravo lakontantman, dèske responsab Pme (...)

Ayiti-Sekirite : Sena ap rankontre Konsèy siperyè polis nasyonal la, madi 4 desanm 2018 la

Ekri jou mardi 4 décembre 2018

Pὸtoprens, 4 desanm 2018 [AlterPresse]--- Prezidan sena a, Joseph Lambert, anonse Sena repiblik la ap rankontre Konsèy siperyè polis nasyonal la, madi 4 desanm 2018 la, sou dosye ensekirite k ap vale teren nan peyi Dayiti depi kèk tan.
Konsèy siperyè polis nasyonal la dwe prezante ak tout manm li yo, nan sena, pou l di ki kalte dispozisyon y ap pran pou kwape ensekirite a, dapre sa Lambert (ki se youn nan reprezantan depatman sidès la nan sena an) eksplike.
Konsèy siperyè polis nasyonal la dwe tou bay eksplikasyon sou divès zak vyolans k ap fèt nan peyi a.
Nan menm dat madi 4 desanm 2018 lan, (...)

Ayiti-Ensekirite : Komisè polis Plymouth Robert pèdi lavi l nan komin Taba

Ekri jou lundi 3 décembre 2018

Pὸtoprens, 3 desanm 2018 [AlterPresse]--- Moun Lapolis poko idantifye touye komisè polis Plymouth Robert nan komin Taba, nan lanwit samdi premye pou louvri dimanch 2 desanm 2018.
Komisè polis la te resevwa yon kout rach nan tèt, pandan li t ap monte machin li, aprè li fin fèmen yon biznis li genyen nan Taba 52, daprè enfὸmasyon ki rive jwenn AlterRadio.
Plymouth Robert t ap travay nan enspeksyon jeneral Lapolis nasyonal d Ayiti.
Gen pou pi piti 5 polisye ki pèdi lavi yo, akoz ensekirite ki blayi nan peyi, soti semenn 20 novanm pou rive premye desanm 2018. [emb rc apr 03/12/2018 (...)

0 | 5 | 10 | 15 | 20 | 25 | 30 | 35 | 40 | ... | 565