Haiti

1915/100an : Palman an ratifye konvansyon ant Etazini ak Ayiti a sou presyon

Ekri jou vandredi 18 septanm 2015

Marin ameriken yo kontinye ap trake kako nan plizyè rejyon nan peyi a, pandan administrasyon ameriken pa sispann fè presyon pou Leta ayisyen siyen akò konvasyon ki bay Ameriken tout dwa pou kontwole peyi a, patikilyèman finans li ak ekonomi l.
Depi 16 septanm, egzekitif la te siyen konvansyon an, men palman an poko ratifye l. Sa se yonn nan gwo tèt chaje pou Ameriken.
Aktyèlman, presyon an se sou chanm depite a, ki reyini jounen 6 oktòb 1915 la pou ratifye oubyen rejte konvansyon an. Reyinyon sa a ap fèt nan kontèks kote gouvènman ameriken ap sere boulon Leta ayisyen li pa vle bay lajan pou l (...)

Ayiti-Pwoblèm wout : Abitan nan zòn Maren bloke wout la pou fòse Leta refè l

Ekri jou lundi 14 septembre 2015

Pòtoprens, 14 septanm 2015 [AlterPresse]--- Moun, ki rete nan Maren, nan zòn Laplenn, (nan nò Pòtoprens) mete barikad byen bonè lendi maten 14 septanm 2015 lan, pou fòse Leta refè wout la.
Anvan 6 è maten, Lapolis nasyonal debake, simen gaz lakimojèn epi debloke wout la.
Sa te lakoz moun, ki t ap pase nan zòn nan, te gen gwo difikilte.
Wout Maren bay sou wout nasyonal nimewo 1 an ak sou wout nèf toupre Site Solèy. [apr 14/10/2015 9:00]

Ayiti : Eleksyon lejislativ 9 dawout 2015 yo, « yon lòt koudeta kont souvrènte popilè a », dapre IMPDP

Ekri jou dimanch 6 septanm 2015

Pozisyon Inisyativ Pou Mete Kanpe
Mouvman Patriyotik Demokratik Popilè (IMPDP)
Dokiman sa a vin jwenn AlterPresse 4 septanm 2015
Nan eleksyon jeneral 2004-2005 yo, okipan yo te enpoze KEP pou l fè yon trikaj ak vòt blan yo pou Préval kapab pase kòm prezidan depi nan premye tou. Nan eleksyon 2010 yo, menm okipan yo te fè OEA mete Martelly nan dezyèm tou prezidansyèl yo sou baz kontaj yon echantiyon bilten vòt yo. Direktè jeneral KEP 2010 la te li menm deklare rezilta li te bay pou dezyèm tou yo, se pa li KEP a te pibliye. Kidonk nan 2 dènye eleksyon ki te fèt nan peyi a, pèp la te mobilize pou ale (...)

1915/100an : Ameriken ratibwaze kako nan Latibonit ak nan Nò

Ekri jou mèkredi 2 septanm 2015

Nan Gonayiv, kako yo ap mennen yon taktik geriya ki sanble bay rezilta. Yo toujou anpeche vil la jwenn pwovizyon ak dlo. Okap sitirasyon an difisil tou, men gen plis menas nan Gonayiv.
Nan vil sa a, 18 septanm, kako atake ameriken, 2 jou apre gouvènman ayisyen ak anbasad meriken fin siyen konvansyon ki bay Ameriken tout dwa sou ladwann ak finans peyi a.
Paralèlman, komisyonè rive sou plas pou negosye ak kako yo pou yo kab depoze zam. Gen chèf kako ki pa dakò paske lajan yo ofri yo twò piti. Gen lòt ki mande pou Rosalvo Bobo, ki tabli nan Kiba, tounen vin ranplase Dartiguenave.
Men, amiral (...)

1915/100an : Kouman pou rezoud pwoblèm kako yo ?

Ekri jou madi 25 out 2015

Yon gwo kesyon k ap chipote lespri amiral Caperton nan finisman mwa out 1915 sa a, se kouman rezoud pwoblèm kako yo, ki toujou mobilize nan nò, nòdwès, nòdès, Plato santral ak Latibonit ? Konkrètman, kouman pou fè yo depoze zam yo ?
Yonn nan opsyon yo, se fè yon komisyon notab pou al pale ak chèf yo. Se peye chèf yo ak sòlda yo pou yo remèt zam yo, dapre pwopozisyon amiral la fè nan yon telegram li voye bay otorite ki sou tèt li nan Washington. Nan plan Caperton, li prevwa pou ta bay chak chèf kako 100 goud, chak sòlda 15 goud.
Men, pwopozisyon Caperton nan pa mache, alòske rebèl kako kontinye viwonnen (...)

0 | ... | 10 | 15 | 20 | 25 | 30 | 35 | 40 | 45 | 50 | ... | 515