Haiti

Ayiti-Jistis : Pwosè kont Clifford Brandt ak tout akolit li yo ranvwaye pou madi 4 desanm 2018

Ekri jou mèkredi 28 novanm 2018

Pὸtoprens, 28 novanm 2018 [AlterPresse]--- Pwosè kont biznisman Clifford Brandt ak tout akolit li yo ranvwaye pou madi 4 desanm 2018 la.
Pwosè sa a te dwe koumanse madi 27 novanm 2018 la, nan tribinal sivil nan Gonayiv (depatman Latibonit).
Men, Clifford Brandt ak tout akolit li yo pa t prezan, akoz latwoublay ki te genyen sou wout lan, nan dènye jou sa yo.
Se sa komisè gouvènman Gonayiv la, mèt Serard Gazius, fè AlterRadio konnen.
Se madi 30 oktòb 2018 lan dwayen tribinal sivil Gonayiv la, mèt Phonie Charles Norgaisse, te tande, pou premye fwa, Clifford Brantd ak akolit li yo, an relasyon ak (...)

Ayiti-Politik : Vizit anbasadè Etazini an nan palman an

Ekri jou jeudi 15 novembre 2018

Pòtoprens, 14 nov. 2018 [AlterPresse] --- Anbasadè Etazini nan peyi Ayiti, Michèle J. Sison reyalize yon chita pale, mèkredi 14 novanm lan, ak prezidan 2 branch palman an.
Diplomat ameriken an te dyaloge ak prezidan sena a, Joseph Lambert, epi prezidan chanm depite a, Gary Bodeau, sou sitiyasyon aktyèl peyi a. Yo te pale tou sou zafè sekirite ak eleksyon.
Prezidan Sena a pat vle bay detay sou objektif vizit anbasadè ameriken an nan palman an.
Diplotmat la tou, sou bò pa li, te refize pale nan mikwo laprès.
Nan dènye tan sa yo, ensekirite a blayi kò l nan plizyè katye nan zòn metwopolitèn (...)

Ayiti : 53 an Ona

Ekri jou vendredi 9 novembre 2018

Pòtoprens, 8 nov. 2018 [AlterPresse] --- Ofis nasyonal asirans granmoun (Ona) fete 53e rekòt kafe li, jedi 8 novanm 2018 lan.
Ona te òganize yon seremoni, kote plizyè ofisyèl patisipe.
Nan diskou sikonstans li, direktè Ona a, Chesnel Pierre, prezante yon bilan pozitif sou administrasyon l ap dirije depi 28 mas 2017 la. [wdb gp apr 08/11/2018 19:00]

Ayiti-PetwoKaribe : Premye minis Céant vizite Cspj

Ekri jou vendredi 9 novembre 2018

Pòtoprens, 8 nov. 2018 [AlterPresse] --- Premye minis Jean Henry Céant vizite, jedi 8 novanm lan, Konsèy siperyè pouvwa jidisyè a ( CSPJ), nan kad chita pale li tanmen ak divès enstitisyon nan sistèm jitis la sou dosye Petwokaribe a, dapre sa AlterPresse aprann.
Chèf gouvèman an pwofite okazyon an pou li remèt prezidan Cspj a, Jules Cantave, yon kopi monitè rezolisyon ki Leta pran sou dosye petwokaribe a.
Jean Henry Céant pwomèt Cspj a tout mwayen gouvènman an yon fason pou sistem jidisye a fonksyone pi byen fonksyone. [wdb gp apr 08/11/2018 (...)

Ayiti-transpò : Pwoblèm sikilasyon machin, madi maten 6 novanm 2018 lan, sou wout nasyonal nimewo 1 an, nan nò Pòtoprens

Ekri jou madi 6 novanm 2018

Pòtoprens, 6 novanm 2018 [AlterPresse] --- Se gwo anbouteyaj, maten madi 6 novanm 2018 lan, sou wout nasyonal nimewo 1 an, ant zòn Lizon, pase kafou Shada, kwa dè misyon, damyen, Kazo, pou rive Sat, toupre simityè ki nan vwazinay faktori izin Pòtoprens yo, dapre sa AltèPrès wè.
Se ti pa / ti pa machin ak motosiklèt ap mache. Y ap boule gaz sou plas.
Pwoblèm nan, se yon gwo chay labou ki blayi sou wout nasyonal lan, blòk Sat, pa twò lwen brasri lakouwòn. An plis labou an, plen twou nan zòn Sat lan, travo piblik pa janm repare depi plizyè mwa.
Sa lakoz sikilasyon machin ak motosiklèt ralanti. Machin (...)

0 | 5 | 10 | 15 | 20 | 25 | 30 | 35 | 40 | ... | 570