Haiti

Ayiti-Ensekirite : Yon polisye mouri, yon lòt blese anba bal yon lòt polisye nan Miragwàn

Ekri jou lundi 3 décembre 2018

Pὸtoprens, 3 desanm 2018 [AlterPresse] --- Yon polisye mouri ak yon lòt blese anba bal yon lòt polisye, ki te nan bouch louvri youn ak lòt, nan komin Miragwàn (depatman Nip).
Zak sa a rive nan lanwit samdi premye pou louvri dimanch 2 desanm 2018.
Pòt pawòl lapolis nan depatman Nip, Dieudonné François, di enstitisyon an lage koukouwouj dèyè polisye Enock Luma, ki ta gen men l tranpe nan zak sila a.
Enspeksyon jeneral polis nasyonal lan deja resevwa lòd pou louvri yon ankèt pou fè limyè sou sa k pase a, daprè sa Dieudonné François fè konnen. [emb rc apr 03/12/2018 (...)

Ayiti-Ensekirite : Lapolis arete 88 moun epi sezi 5 zam, nan divès operasyon

Ekri jou lundi 3 décembre 2018

Pὸtoprens, 3 desanm 2018 [AlterPresse]--- Lapolis arete 88 moun epi sezi 5 zam ak minisyon, nan divès operasyon li te tanmen soti lendi 26 novanm rive dimanch 2 desanm 2018 la, nan plizyè katye nan zòn metwopolitèn Pòtoprens lan.
Operasyon sa yo te reyalize nan Lasalin, Matisan ak Petyonvil, elatriye, daprè sa direktè depatmantal lwès polis la, komisè divizyonè Mario Aubergiste, presize. [emb rc apr 03/12/2018 10:25]

Ayiti-Jistis : Revokasyon kowὸdonatè jeneral sekirite palè nasyonal, Vladimir Paraison

Ekri jou vandredi 30 novanm 2018

Pὸtoprens, 30 novanm 2018 [AlterPresse]--- Kowὸdonatè jeneral sekirite palè nasyonal, Vladimir Paraison, pa okipe pòs sa a ankò, daprè enfòmasyon direktè jeneral enstitisyon lapolis la, Michel-Ange Gédéon, bay jounal ‘’le Nouvelliste’’ mèkredi 28 novanm 2018 lan.
Vladimir Paraison jwenn revokasyon li, kòm kowὸdonatè jeneral sekirite palè a, sou demann sekretè jeneral palè nasyonal la, Jean Hilbert Lebrun, dapre presizyon Gedeon.
Kabinè enstriksyon nan Sen Mak mete yon manda pou arete Vladimir Paraison, yon an relasyon ak yon dosye trafik zam ki te debake Senmak nan lane 2016.
Se jij enstriksyon Dieunel (...)

Ayiti-Politik : Gouvènman an ak opozisyon an sonje viktim masak 29 novanm 1987 yo, nan riyèl vayan Pòtoprens

Ekri jou vandredi 30 novanm 2018

Pὸtoprens, 30 novanm 2018 [AlterPresse]--- Gouvènman an salye memwa moun, yo te asasinen nan riyèl vayan, Pòtoprens, nan dat 29 novanm 1987, ki te sipoze wè premye eleksyon lib nan peyi d Ayiti, apre 30 lane diktati Divalye yo.
Nan okazyon 31 lane, depi militè ak atache te sasinen anpil moun ki ta pral vote, sekretè leta pou kominikasyon gouvènman an, Eddy Jackson Alexis, envite tout politisyen yo respekte chwa pèp ayisyen an te fè nan eleksyon 2016 yo.
Alexis di li pa dakò ak konpòtman anpil dirijan nan klas politik la, ki ta vle pran pouvwa san yo pa pase nan eleksyon.
Pou limenm, sa ta kapab fè (...)

Ayiti-Ekonomi : Leta ayisyen pèdi 19 milya goud pandan egzèsis fiskal 2017-2018 lan, daprè administrasyon jeneral ladwàn

Ekri jou jedi 29 novanm 2018

Pὸtoprens, 29 novanm 2018 [AlterPresse]--- Leta ayisyen pèdi 19 milya goud pandan egzèsis fiskal 2017-2018 lan, dapre sa Direktè jeneral Administrasyon jeneral ladwàn, Romel Bell, fè konnen.
Leta ta fè pèt sa yo, akὸz franchiz li bay sektè prive a ak òganizasyon ki pa sou lobedyans gouvènman an, dapre administrasyon jeneral ladwàn nan.
Prezidan komisyon etik ak kont kòripsyon nan sena repiblik la, Youri Latortue, denonse kantite franchiz, ki ogmante anpil, Leta bay òganizasyon ki pa sou lobedyans gouvènman an.
Pandan egzèsis fiskal 2016-2017 lan, franchiz sa yo te vo apeprè 1 milya 57 milyon goud. (...)

0 | 5 | 10 | 15 | 20 | 25 | 30 | 35 | 40 | ... | 565