Haiti

Ayiti/PetwoKaribe : 2 ansyen premye minis ak 3 ansyen minis jwenn envitasyon pou parèt devan jij enstriksyon Ramonsite Accimé nan jou k ap vini la yo

Ekri jou mardi 16 juillet 2019

Pòtoprens, 16 jiyè 2019 [AlterPresse] --- Jij enstriksyon Ramoncite Accimé voye envitasyon bay ansyen premye minis Jean Max Bellerive, sou prezidan René Préval, ak ansyen premye minis Laurent Salvador Lamothe, sou prezidan Michel Joseph Martelly, dapre enfòmasyon ajans sou entènèt AlterPresse jwenn.
Jean Max Bellerive, ki te premye minis peyi d Ayiti soti 11 novanm 2009 rive 18 oktòb 2011, dwe parèt, devan jij enstriksyon an, vandredi 19 jiyè 2019, k ap vini la a, alòske jij la ap tann Laurent Lamothe nan dat jedi 25 jiyè 2019.
Bellerive te minis planifikasyon ak kowoperasyon, soti 9 jen 2006 pou (...)

Vizit OEA ak lòt zafè - Laprès ameriken pa pale sou wòl Washington… ankò !

Ekri jou jeudi 4 juillet 2019

Jane Regan
Vesyon kreyòl yon atik ki te parèt nan Fairness & Accuracy in Reporting (FAIR) ak sou AlterPresse
Plizyè milye moun pran lari atravè peyi a pou denonse koripsyon gouvènman patripòch. Envestigasyon rive montre voylans lapolis ak gang kriminèl ap fè. Ekonomi an pa sispann vin pi mal. Moun ap mande prezidan an demisyone.
Si nou t ap pale sou peyi Venezuela, jan analiz FAIR montre sa deja, jounalis meriken nan gwo medya “mainstream,” ki vle di, ki nan men gwo enterè ekonomik, ansanm ak moun ki konn fè komantè nan laprès, t ap kleronnen fòk gen « regime change » – fòk rejim nan chanje. (...)

Rèl diaspora : Kowalisyon Ayisyen k ap viv aletranje mande demisyon prezidan Jovenel Moïse

Ekri jou jedi 20 jen 2019

Kominike Kowalisyon Ayisyen nan dyaspora a, ki gen siyati 50 manm kominote ayisyen nan divès peyi
AlterPresse jwenn kominike sa a 19 jen 2019
Sitwayen ayisyen responsab k’ap viv tou patou nan peyi etranje ap swiv ak anpil enterè evenman politik k’ap brase bil peyi Dayiti. Kòm ayisyen k’ap viv deyò men ki toujou rete kole ak lakay, nou panse ke li enpòtan pou nou fè pèp ayisyen an ak lemonn antye konnen pozisyon nou.
Pou komanse, Zafè 4.2 milya dola petwokaribe a ki disparèt al nan pòch mafia an Ayiti, fè nou mal anpil e bagay sa a inakseptab. Lè nou konsidere ki kantite pwoblèm ki te ka rezoud ak (...)

Ayiti : Senkyèm jou latwoublay, nan dat 14 jen 2019, nan Pòtoprens

Ekri jou vendredi 14 juin 2019

Yon papye Ronald Colbert
Pòtoprens, 14 jen 2019 [AlterPresse] --- Vandredi 14 jen 2019 sa a, se senkyèm jou latwoublay nan Pòtoprens, kapital peyi d Ayiti, dapre enfòmasyon ajans sou entènèt AltèPrès ranmase.
Divès aktivite p ap mache depi lendi 10 jen 2019 lan.
Soukous sa a nan Pòtoprens antre nan leve kanpe, ki rekoumanse depi dimanch 9 jen 2019 la, lè plizyè milye moun te desann nan lari, divès kote nan peyi a, pou di yo pa vle wè Jovnèl Moyiz nan tèt peyi d Ayiti ankò.
Gwo manifestasyon 9 jen 2019 lan, se inisyativ gwoup moun, yo rele petwochalennjè yo, sila ki andedan gwoup nou p ap dòmi, ki vle (...)

Ayiti : Obsèvatwa ayisyen dwa moun lonje dwèt sou konplisite otorite yo nan zak bandi sou popilasyon an

Ekri jou lendi 29 avril 2019

Pὸtoprens, 29 avril 2019 [AlterPresse]--- Obsèvatwa ayisyen dwa moun di li leve lavwa, pou jan l wè otorite politik ak polisye yo on ti jan manfouben epi parèt konplis, nan pakèt zak bandi k ap simen laterè toupatou sou teritwa peyi d Ayiti an.
Otorite sa yo pa fè anyen pou kwape bandi, k ap simen latwoublay nan mitan popilasyon an depi plizyè semenn.
Bandi sa yo sanble jwenn sipò kèk palmantè, gwo tèt nan Lapolis nasyonal lan ak manm gouvènman an, daprè sa Obsèvatwa ayisyen dwa moun di nan yon nòt li fè ajans AlterPresse jwenn.
Obsèvatwa ayisyen dwa moun voye solidarite l bay plizyè moun, ki viktim (...)

0 | 5 | 10 | 15 | 20 | 25 | 30 | 35 | 40 | ... | 570