Haiti

Sena a ap entèpele premye minis Michèle Pierre-Louis 29 oktòb 2009


dimanch 25 oktòb 2009

Pòtoprens, 23 okt. 09 [AlterPresse] --- Entèpelasyon premye minis Michèle Pierre-Louis : desizyon an pran nan sena a. Se 29 oktòb gouvènman an ap gen pou l prezante devan senatè yo. Seyans sa a ap gen pou l fini ak yon vòt konfyans oubyen yon vòt sansi.

Senatè Lespwa ki fè entèpelasyon an fè konnen y opa satisfè ak rezilta gouvènman an. Dapre yo, li lè li tan pou yon lòt ekip pran mayèt la.

Yo asire popilasyon an peyi pap tonbe nan katchouboumbe, menm jan sa te rive lè, an 2008, sena a te mete ansyen premye Jacques Edouard Alexis atè.

Pandanstan, nou wè gen lòt mache prese k ap fèt nan konjonkti a, patikilyèman sou kesyon eleksyon llejislativ ki gen pou fèt nan koumansman ane pwochèn.

Apre chanjman presidan René Préval fè nan Konsèy Elektoral Pwovizwa a, ki bay tèt chaje nan kèk sektè politik, enstitisyon elektoral la deja ap travay sou kalandriye electoral ak bidjè pou eleksyon. [gp apr 23/10/2009 13:00]