Haiti

2 aksidan avyon nan pi piti pase 2 semèn an Ayiti


mèkredi 12 septanm 2007

(12/09/07) --- 2 aksidan avyon fèt an Ayiti nan pi piti pase 2 semèn. Dezyèm nan se 11 septanm nan. 5 moun blese lè yon ti avyon Cessna Caravan 208 konayi Caribinter ki fè Pòtoprens Okap, te blije fè yon aterisaj fòse bò yon marekaj tou pre kapital la apre li te fin kite ayewopò Pòtoprens.

Te gen 10 jou depi yon lòt avyon menm konpayi a te twouve l nan menm sitirasyon an, lè li te ateri brid sou kou nan yon lòt zòn tou pre Pòtoprens.

Otorite avyasyon an Ayiti anonse yo kanpe tout vòl Caribinter pou kontwole sa k ap pase.

Akòz eta wout yo nan peyi Ayiti epi tan moun pran pou soti nan sèten vil pou ale nan sèten lòt, yon bon valè moun pran avyon pou vwayaj entèn. (12/09/07)