Haiti

Eleksyon minisipal ak lokal : kilè ? avèk ki lajan ?


sanmdi 17 jen 2006

[17/06/06] Konsèy elektoral pwovizwa a voye pou pi lwen dat eleksyon minisipal ak lokal ki te dwe fèt dimanch 18 jen 2006 lan.

KEP pran menm desizyon an pou rès eleksyon lejislatif ki dwe pèmèt elektè yo chwazi 12 depite ak 3 senatè.

Dapre sekretè jeneral Konsèy la, Rosemond Pradel, se divès pwoblèm teknik KEP a ap rankontre ki lakòz li pran dispozisyon sa a.

Jouk jounen jodi a. KEP a sanble poko wè klè sou ki kote lajan pou òganize rès eleksyon sa yo ap sòti. Konsèy elektoral la ta bezwen 13 milyon dola meriken pou òganize rès eleksyon yo.

Eleksyon prezidansyèl ak lejislatif yo ki te fèt nan mwa fevriye ak avril pase te koute plis pase 60 milyon dola meriken. Etazini, Inyon Lewòp ak Kanada te pami bayè lajan ki te bay pi gwo bourad nan sans sa a. [17/06/06]