Haiti
Yon kout je sou Karayib la

Jamayik jwenn konkou FAO pou prepare kont maladi grip volay la


Ekri jou lendi 8 me 2006

Port of Spain, 8 me. 06 [AlterPresse] --- Oganizasyon Nasyonzini ki okipe zafè agrikilti ak lamanjay FAO fè Jamayik kado 500 mil dola meriken pou ede l prepare l nan ka virus ki bay maladi grip volay la ta antre nan rejyon Karayib la, dapre nouvèl ki vin jwenn AlterPresse.

FAO gen yon bidjè 2 milyon dola nan kad yon pwogram ijans li prevwa pou ede peyi nan rejyon Amerik la sizanka yo ta frape anba maladi griv volay la.

Kòb sa a la pou soutni Karayib-la, Amerik Latin nan, peyi Anden yo ak
peyi Amerik di Sid yo pou ranfose siveyans ak kapasite kontwol yo. Se yon fason pou kab ralanti kous viris H5N1 ki bay maladi a.

Gen 2 milyon zwazo ak 103 moun ki deja pèdi lavi yo depi grip volay la parèt.

Jiskaprezan peyi ki pi frape yo chita an Ewòp. [ed gp apr 08/05/2006 11:00]