Haiti
Yon kout je sou Karayib la

Trinidad : Yon ansyen premye minis kondane pou pran 2 ane prizon


Ekri jou lendi 1e me 2006

Port of Spain, 1 me. 06 [AlterPresse] --- Ansyen premye minis Trinidad Tobago, Basdeo Panday, 72 an, kondane pou l pase 2 zan nan prizon epi peye yon amand 10 mil dola poutét li pat deklare yon kont an bank li te genyen nan peyi Angletè pandan li tap dirije Trinidad ak Tobago ant 1995 e lan 2001.

An plis amand sa a, Panday gen pou l peye leta 284 mil 350 dola. Se kantite lajan sa a ki te sou yon kont labank li te genyen ak madanm li nan Londres soti nan ane 1997 rive nan ane 1999.

Nan yon lot afè separe, jounal jamayiken Jamaica Observer fè konnen Basdeo Panday
tonbe tou anba akizasyon deske li te resevwa 45 mil 600 dola kout lajan anba tab nan yon eskandal koripsyon ki gen rapò ak konstriksyon ayewopò entènasyonal Trinidad Tobago.

Basdeo Panday peye 300.000 dola 28 avril la pou li te kab soti nan prizon anntandan (libération sous caution) paske sante li pat bon, dapre doktè ansyen Premye minis. [ed gp apr 01/05/2006 00:20]