Haiti
Atik

Meteyo : Toujou gen posiblite lapli ak loray, sou plizyè depatman peyi d Ayiti yo


Ekri jou madi 21 septanm 2021

Pòtoprens, 21 septanm 2021 [AlterPresse] --- Gen boulvès nan tan an, sou gwo zile Karayib yo, jodi a.

Sitiyasyon sa a pral bay lapli, ki mache ak loray, nan finisman apremidi ak aswè, sou depatman Nòdès, Nò, Plato santral, Latibonit, Grandans ak Lwès, kote nou jwenn zòn metwopoliten Pòtoprens lan, dapre dènye bilten espesyalis ayisyen nan kondisyon tan an, ki vin jwenn ajans AlterPresse.

Gen solèy, nan maten. Ap gen nyaj, nan finisman apremidi ak aswè.

Nivo chalè a ap kontinye wo anpil, ni na lajounen, ni nan aswè. Soti nan 35 degre Sèlsiyis, tanperati an pral desannn, ant 25 pou al 22 degre Sèlsiyis.

Pral gen lapli, ki mache ak loray tou, sou lanmè a, sitou bò kòt Nò yo ak bò kòt zile Lagonav yo, pa twò lwen Pòtoprens.

Kaptenn bato, chaloup, bwa fouye yo, dwe toujou pran prekosyon, bò tout kòt peyi d Ayiti yo.

Vag yo ap monte nan nivo 5 pye wotè bò kòt Nò yo. [apr 21/09/2021 09:30]