Haiti
Atik

Meteyo : Pral gen lapli ak loray, nan finisman semenn nan, sou laplipa depatman peyi d Ayiti yo


Ekri jou vandredi 3 septanm 2021

Pòtoprens, 3 septanm 2021 [AlterPresse] --- Toujou gen imidite ak lòt kalte boulvès nan tan an, sou gwo zile Karayib yo, nan finisman semenn sa a, dapre ssa AlterPresse linan bilten espesyalis ayisyen nan kondisyon tan yo.

Se yon sitiyasyon, k ap bay lapli, ki mache ak loray, nan apremidi ak aswè, sou depatman Nò, Nòdwès, Latibonit, Sid, Grandans, Nip ak Lwès, espesyalman sou zile Lagonav.

Gen bouyay, pandan jounen an. Gen nyaj, depi nan maten. Tan an ka mare, nan apremidi ak aswè.

Nivo chalè an toujou wo, sou tout depatman peyi d Ayiti yo. Soti nan 36 degre Sèlsiyis, tanperati an pral desann, ant 25 pou al 22 degre Sèlsiyis.

Jan n ap viv sa depi kèk jou, lanmè a kontinye kal, bò tout kòt peyi d Ayiti yo. [emb rc apr 03/09/2021 14:25]