Atik

Ayiti-Ensekirite : 938 moun pèdi lavi yo pandan lane 2020 an, dapre Rnddh


mercredi 30 décembre 2020

Pòtoprens, 30 desanm 2020 [AlterPresse] --- 938 moun pèdi lavi yo pandan lane 2020 an, akoz ensekirite nan peyi dAyiti, dapre Rezo nasyonal kap defann dwa moun yo (Rnddh), ki tap patisipe nan yon konferans kite fèt madi 29 desanm 2020 an.

Alatèt Rnddh lan, Pierre Espérance fè konnen genyen 185 moun ki mouri nan divès masak ki fèt nan katye popilè yo. Li presize chif sa a pa pran an konsiderasyon masak Bèlè yo paske òganizasyon an poko fini konte tout viktim yo.

2020 se yon lane katastwòf sou plan dwa moun, dapre Rnddh ki ankouraje popilasyon an leve kanpe kont krim yo nan peyi a.

Pierre Espérance mande pou tout sitwayen ak sitwayèn patisipe nan defann dwa moun, yon fason pou kapab asire sekirite yo ak sekirite vwazen ak vwazin yo. [rf emb apr 30/12/2020 15:10]