Haiti
Atik

Ayiti-Edikasyon : Inivesite piblik Nὸ nan Okap ayisyen toujou bloke, aprè arestasyon 5 etidyan


Ekri jou mèkredi 23 janvye 2019

Pὸtoprens, 23 janvye 2019 [AlterPresse] --- Inivesite piblik Nὸ, nan Okap ayisyen, rete toujou bloke, aprè arestasyon, depi lendi 14 janvye 2019, 5 etidyan entitisyon sa a.

Lapolis nasyonal te arete 5 etidyan yo, pandan yon mouvman yo t ap fè nan inivèsite a, pou denonse magouy, daprè sa yo di, rektè enstitisyon an ta fè.

Joram Vixamar, ki se pwofesè nan Inivesite piblik sa a, leve lavwa kont arestasyon 5 etidyan sa yo.

Li pwofite mande ministè edikasyon nasyonal ak fomasyon profesyonel la (Menfp), Pierre Josue Agenor Cadet ap dirije, fè demach pou fè lage 5 etidyan sa yo san kondisyon. [emb rc apr 23/01/2019 13:25]