Haiti
Atik

Ayiti-Edikasyon : Gwo tansyon nan Tigwav pandan elèv lise Fosten Soulouk t ap manifeste


Ekri jou mèkredi 23 janvye 2019

Tigwav (Ayiti), 22 janvye 2019 [AlterPresse] --- Elèv lise Fosten Soulouk, nan vil Tigwav (nan yon distans 68 kilomèt nan sid kapital la) pran lari ankὸ, madi 22 janvye 2019 la, pou mande pwofesè yo vin fè kou, daprè enfὸmasyon youn nan majistra vil la, Limogy Samson Jean, bay AlterRadio.

Elèv sa yo pa gen pwofesè depi plis pase yon semenn.

Sitiyasyon an te konplike nan vil la, madi 22 janvye an, akoz manifestan yo t ap voye anpil wòch ak boutèy.

Lapolis nasyonal, ki pa t ka kontwole sitiyasyon an, te simen gaz lakimojèn.

Elèv lise yo t al chache elèv, ki nan lòt lekòl, pou kapab ranfòse mouvman yo an.

Lapolis arete 3 ladan yo, ki t al eseye atake tribinal Tigwav la.

Limogy Sameson Jean di se moun ki alatèt Lise a, ki ta lakoz tout deblozay sa yo.

Li deklare, lendi bonè bonè, l ap pran kontwòl Lise a. [dp emb rc apr 22/01/2019 17:00]