Atik

Ayiti-Koripsyon : Prezidan Jovenel Moïse di 10 milyon Goud disponib pou travay Koudèkont sou dosye PetroKaribe a


vendredi 7 septembre 2018

Pòtoprens, 7 septanm 2018 [AlterPresse] --- Prezidan Repiblik la, Jovenel Moise rankontre nan palè nasyonal, mekredi 5 septanm lan, konseye Lakou dèkont yo sou divès kalte sijè enstitisyon an ap travay, pami yo dosye Petrocaribe a ki pa sispann gonfle machwè plizyè moun nan popilasyon an ak kominote dyaspora-a.

Chèf Leta a, sou kont twitè li, anonse li pral debloke nan mwa oktòb kap vini la, 10 milyon goud nan 27 milyon konseye Lakou dèkont yo di yo bezwen pou yo kapab bouske laverite sou 2 rapò sena Repiblik la te voye bay enstitisyon-an sou depans kob pwogram petrocaribe a.

Prezidan Jovenel Moise di rankont sa se yon fason pou-l montre volonte l genyen pou bon jan limyè fèt sou doyse Petrocaribe-a. [apr 07/09/2018 18:00]